PHILIPS Sonicare 充電式聲波震動牙刷

生日月終於買左新嘅電動牙刷。之前個部媽咪買嘅, 但放左係KL無拎返黎。因為我發現我由細到大都用力過度,令牙齒及牙齦都嚴重受損, 不得不買電動牙刷幫手。

PHILIPS Sonicare 充電式聲波震動牙刷 , 有旅行裝盒裝住牙刷同刷頭, 盒邊有USB插電位, 用電話充電器同線就可以放牙刷入盒充電！
最靚係有玻璃杯, 係可以充電嘅玻璃杯! 因為杯底有個底座, 充電器就連接住底座, 只要將牙刷放係玻璃杯,就可以叉電！(當然要插電啦佬)

不過其實我係無用杯嘅習慣XDDD 但放係度叉電都幾靚又方便。

PHILIPS Sonicare 充電式聲波震動牙刷 , 清潔效能高, 電動刷頭速度每分鐘刷動 31,000 次！佢話可清除多 100% 牙菌膜喎。一個制操控5 種模式:  Clean, White, Polish, Gum care, Sensitive。 據說兩星期就能改善牙齦健康, 睇下下個月點先...

一套本身附有2個 DiamondClean刷頭, 係豐澤買送多兩個。不過我買$1698 九折 (間間豐澤唔同價錢架), 買左兩日後發現合和有間舖頭只賣$12xx!!! 不過唔知有冇個盒刷頭送。