2020年7月19日 星期日

《我的少女時代》


喂呀~ 我竟然全程坐係度睇晒。

今日全的的怪怪地,三點幾四點先捨得起身⋯ 星期日,應該係好多自己公司野跟⋯ 但我今日唔想返去⋯

連outlook彈出黎我都無覆HR,我覺得⋯ 夠喇。

我老闆聽日Last day, 佢真係教左我好多好多野,我無諗過自己可以做到依家嘅Task,雖然我對個職位同人工都係超級唔高興極之失望,但係每一日學到嘅野真係之前無諗過嘅 — 完全唔知點解可以白白渡過左四年空白嘅人生,都係多謝老闆佢迫我做返正常打工仔要做嘅呀⋯ 

可能係驚,我今日乜都唔想做。

我好驚過左聽日,無左靠山咁,唔知會發生咩事。

好啦,畀我 Hea一日啦,就開套戲睇。(因為個盒唔知點解收唔到外國電視台,唯有轉去電影試下收唔收到,點知又work)
我最近好鍾意睇Facebook 果d三分鐘講晒成套戲嘅片,因為我懶,可以不停咁周圍整野但又聽到重點,感覺怪左好多時間。呢套《我的少女時代》嘅結局果部分,就係係果埋片到睇到嘅⋯ 我仲以為係好近期嘅套。 講真咁嘅戲名,我應該唔會留意,唔會揀中入場睇。
今日咁啱其他嘅戲都唔吸引,見到有呢套就開黎睇。
再Google一下先知係2015年嘅戲⋯

少女時代呀⋯ 離我呢個中年都實在有一段大距離,無懷念,無感覺,但係最緊我要面對嘅野,正正就係好悔恨以往無好好把握同珍惜。 人生往往就係咁,追唔返,先令人回味。不過我一d都無懷念以前嘅日子,因為我大部份都無記憶。我最想嘅只係自己果二十年點解浪費係毫無意義嘅嘅人同事上面,呢啲全部對我今時今日亳無價值。我失去嘅,係一個又一個同我最愛嘅人相處嘅機會,人生就只係有遺憾。

呢d就係一個人價值觀放左係唔同嘅地方而要付出嘅代價。 正如契媽話我對價值觀嘅轉變實在太太太大,但我好後悔自己走到人生一半嘅時候先覺悟。

我知道即使由今日起我改變,餘下嘅日子,都唔會有咩轉變。 我有時只係想係僅餘嘅日子,過得輕鬆d。我走果一刻,相當起我父母,心理上應該無咁痛苦,因為我唔洗牽掛同自己血脈相連嘅女兒,應該少一份執念。

多謝呢套戲,成兩個鐘頭,足夠嘅時間畀我Hea左一晚⋯




沒有留言:

張貼留言

您或許對這些文章有興趣

Related Posts Plugin for WordPress, Blogger...