2017年4月9日 星期日

偶遇!

 

今日搭巴士,我一上車就坐係巴士中間嘅四人座位,而我就坐係度頭車個位。坐低嘅時候仲同對面乘客講咗聲唔該,之後就一直低頭玩電話。喺林落車之前嘅兩三個站,突然對面嘅乘客坐前少少同我講:「唔好意思,你係唔係⋯」我當時心諗,千祈唔好問我路,我抬頭一望,立即講咗一句:「Miss Yueng? 」
當時我都覺得好神奇,其實前幾日都有諗起呢個老師,估唔到會係屋企附近撞到。正左一陣,唔知佢由美國返嚟之後返咗香港教書,而且住喺我屋企附近。對數數下都有20年冇見過面,佢唔講我都唔記得原來自己已經可以到一個20年冇見過某一啲人嘅年紀。但佢似乎一啲都無變,真正係一個凍齡美女。不過好快就要落車,所以我哋急急咁影咗一張相,交換左電話。全日都係好開心嘅狀態,因為重遇真係好難得。

您或許對這些文章有興趣

Related Posts Plugin for WordPress, Blogger...