啡色星期五 with MCM

本身絕少講袋… 對於洗錢問題太敏感，始終講電子產品宅友會覺得值，講手袋就…
所以盡量都避開。
但今早真的要讚一下MCM Backpack... 話說小妹已不此一次將咖啡飲品倒到成袋都係，成個袋嘅野都濕晒變咖，連Passport 都難逃一劫中…濕晒~悲。
今早懶勁咁沖左杯Double Chocolate 仲 twit 晒咁係威係勢拎返公司嘆。點知… 又漏! (難度咖啡杯也要加護墊麽?)
漏左幾乎三分二杯，好恐怖!我放係側袋，係外面睇毫無異樣，一拎起個杯就知奶野，水浸咁款。
結果衝返公司，放低杯野係咁攝紙巾，又唔敢咁大動作因為係公司人地遠睇見到你唔知抹咩啡色物體超噁心! 所以偷偷地進行。仲要經理走來傾計，我仲要扮鎮定咁繼續傾，個心急住去洗手間大清洗。
結果用左兩三個字係咁狂沖水去個側袋，水質先由啡轉返做清水…
但好奇妙係成個過程我都無拎過(無諗過拎)中間果隔嘅野出黎，而裡面嘅MBA，相機，電話，絲巾，信件，銀包…全部都無事! 水都冇一滴!
呢個袋真係唔錯呀! 估唔到佢造工咁好，隔與隔之間層皮同防水布料簡直救左我一命。
好好彩呀。